User:Talhabhinder
Talha Bhinder
طلحہ بھنڈر
رہائیش : گوجرانوالہ کے شہر موڑ ایمن آباد
شعبہ : پاکستان ٹورزم
جنون: ٹریکر اینڈ موٹربائیکر
آپ کا جنون ہے کہ پاکستان کی خوبصورتی کو نہ صرف پاکستانی بلکہ دنیا بھر کے لوگوں تک پہنچایا جائے ۔
اپنے وطن عزیز کے نام کو آپنی جان سے زیادہ چاہتے ہیں ۔
ٹورزم کی بے لوث خدمت کرنا ، یہ شوق جنون کی حد تک ہے ۔
اپنی بائیک سوزوکی 150 بائیک پے۔۔۔۔ خنجراب سے گوادر پورا پاکستان گھوما ہے ۔ چاروں صوبے (خیبر پختون خواہ، پنجاب،بلوچستان،سندھ ) دیکھے ہیں ۔
پاکستان کے زندہ دل لوگ بہت مہمان نواز ہیں ۔ اور اپنے مہمانوں کی قدر کرتے ہیں ۔
اکثر مجھے میرے سب دوست جو ٹورزم سے منسلک نہیں ہیں ، مجھ سے سوال ایک کرتے ہیں کہ آپکو آوارہ گردی اور پیسے ضائع کرنے سے کیا ملتا ہے ، میں انھیں یہی بات کہتا ہوں کہ ٹورزم نے مجھے زندگی گزارنے کے طریقے سیکھائے ہیں ،لوگوں کی عزت کرنا ، گفتگو کرنے کا سلیقہ ، تعلقات میں اضافہ ، اچھے اور قابل لوگوں کا میری زندگی میں آنا ہے ۔ جب ہم سفر پے نکلتے ہیں تو کسی چیز کے نہ ہونے کی صورت میں اس چیز کی کمی کو پورا کرنا سب سے بڑی بات ہے ۔
میں نے اپنی زندگی میں بہت سے یادگار سفر کئے، جن میں ایک ، جولائی 2017 میں اپنے 70cc ہونڈا پر #بڈگوئی باس کیا ۔ چٹا کٹھہ، درکوٹ پاس ،بروغل ویلی،تاوبٹ کشمیر،خنجراب پاس، دودپت سر،وادی لیپہ، فیری میڈوز، چرکو پیک ،موسیٰ کا مصلہ، کرومبر لیک، وادی ہنزہ، وادی کیلاش،وادی چترال ، وادی پرسان ، کوئٹہ، کراچی اور گوادر کے ٹریک بہت یادگار رہے ۔
بائیکر کے علاوہ میں ٹریکر بھی ہوں ، اور الحمداللہ بہت سی چوٹیاں سر کر چکا ہوں ۔ اور سردیوں میں بہت سے پیدل ٹریک کئے ہیں ۔ میں انشاءاللہ نہ صرف پاکستان بلکہ بیرون ممالک میں چوٹیاں سر کر کے پاکستان کا نام روشن کروں گا انشاءاللہ ۔
بائیکر حضرات ! آپکے پاس موٹر سائیکل ِخواہ جو بھی ہو 70cc/150cc موٹر سائیکل کا مہنگا ہونا صرف سفر کو سکون والا بناتا ہے ۔ میرا ذاتی تجربہ 70cc پاکستان میں تقریبا ہر جگہ جاتی ہے ۔ پنجابی کی کیا خوب مثال ہے ( جِنا گھڑ پاو گے اونا مٹھا ہوئے گا)۔
ٹورزم کی دنیا کے لئے میرا ضروری پیغام ! دوستو آپ ہمیشہ مسکراتے ہوئے سب سے ملو، بے لوث ہو کے آپنے وطن عزیز پاکستان کی خاطر ٹورزم کی خدمت کرو ۔ آپنے اس عظیم شعبے کو لڑائی جھگڑوں، نفرت ، اور سیاست سے پاک بنائیں ۔ ٹورزم کے لئے کام کر کے دکھائیں جب آپ سچے دل سے کام کریں گے سب آپکی عزت کریں گے ۔ ادھر مجھے ایک مثال یاد آ رہی ہے کہ (پھول کی خوشبو جتنی بھی چھپا لوگوں تک پہنچنے سے اسے کوئی نہیں روک سکتا) ۔
ہماری خوش قسمتی ہے کہ اللہ پاک نے ہم سب کو پاکستان جیسے خوبصورت ملک میں پیدا کیا ۔ پاکستان جیسا ملک پوری دنیا میں نہیں ، ہمارے پاس دنیا کا بلند ترین بارڈر (خنجراب)، دنیا کا بلند ترین پولو گراونڈ (شندور) دنیا کا گہرا ترین بندرگاہ (گوادر) ، دنیا کا دوسرا بڑا پلیٹو(دیوسائی) دنیا کا دوسرا بڑا پہاڑ (K.2), خوبصورت ساحل ، پہاڑ ، سنہری صحرا ، خوبصورت سر سبز میدان ،پوٹھوہار اور بھی بہت سی ان گنت نعمتیں پاکستان کے پاس ہیں، ہمیں اسکی قدر کرنی چاہیے.
الحمداللہ میری زندگی میں میرے والدین نے میرا بہت ساتھ دیا ۔میں دعا کرتا ہوں اللہ کریم سب کو ایسے ماں باپ دے ۔
اس کے علاوہ میری زندگی میں ایک اہم نام جس کا ذکر اگر میں نا کروں تو نا انصافی ہوگی ۔ میرا بھائی میرا دوست جناب شعیب احمد بھٹہ ، جو تقریبا میرے ہر سفر میں میرا ساتھی رہا ۔ اس نے مجھے ہر قدم پے بہت عزت اور حوصلہ بخشہ ۔ اسی لئے ہم دونوں کو ٹورزم کی دنیا میں ہمیں، ٹریکرز کی جوڑی کہا جاتا ہے ۔
وطن عزیز پاکستان کی محبت ایمان کی علامت ہے ۔
پاکستان زندہ باد پاکستان پائندہ باد