User:NikaRedactions
მიხეილ სააკაშვილი ქართულ პოლიტიკაში ბრუნდება" ,,ბოლო წვეთი იყო იმ მოღალატეების აღლუმი, რომელიც ვიხილე გუშინ აჭარის უზენაეს საბჭოში." - წერს მესამე პრეზიდენტი ,,ვივა მედიდან" ბათუმში განვითარებულმა მოვლენებმა სააკაშვილს გადაწყვეტილება შეაცვლევინა. მძიმე ჯამრთელობის მდგომარეობის მიუხედავად ის სასამართლო პროცესებზეც აპირებს დასწრებას.
დაბრუნებას ქართული ოცნება არ ელოდა.ჯერ იყო ცინიკური განცხადებები რომელიც მალე უფრო სერიოზული კომენტარებით შეიცვალა.
მმართველი პარტია სამართლებრივ ბერკეტებს იშველიებს. ,,ჯერ მოქალაქეობა დაიბრუნოს და მერე ჩაერთოს პოლიტიკაში" - პასუხობენ ოცნების ლიდერები ,,ვივა-მედში" გამოკეტილ პრეზიდენტს.
ფაქტია რომ პატიმარი პრეზიდენტის განცხადება ხელისუფლებისთვის დიდი სიურპრიზი აღმოჩნდა.
რამდენიმე საათში მიხეილ სააკაშვილმა საპასუხო განცხადება გააკეთა.
დაიწყეს უკვე „ოცნების თამაში“, „ორპოლუსიანობა ბიძინას აწყობს“ და ა.შ. სწორედ ესაა ოლიგარქის ნარატივი. მერე ვინ გიშლით ხელს - შექმენით მეორე, მესამე, მეხუთე პოლუსი და გაანძრიეთ ხელი. მე პრაქტიკულად ხელფეხშეკრული ვარ.
საბოლოო ჯამში ყველა გაერთიანებისკენ უნდა წავიდეთ და დიდ ერთობას ალტერნატივა არა აქვს. ჯერ გავერთიანდეთ თემატურად მაგალითად კინოცენტრის თემაზე, სამედიცინო რეგულაციების თემაზე, მიგრაციის საკითხებზე.
ვისწავლოთ ერთად შედეგის მიღწევა. არავის არ უნდა დაველოდოთ, მითუმეტეს ოლიგარქის შემოგდებულ ყალბ თემებს. არსებობს რეალური გამოწვევები და ყველამ სათითაოდ უნდა ირწმუნოს საკუთარი თავის ძალის და როცა ერთიანი ნაციონალური მოძრაობის, გირჩის, ლელოს, სტრატეგია აღმაშენებლის წარმომადგენლები კონკრეტულ საკითხზე ერთად დასხდებიან და გადაწყვეტენ მას, მერე და მერე უფრო გაადვილდება ერთობის შექმნა არა ილუზიური საარჩევნო სიების, არამედ საქართველოს გადარჩენის გარშემო.
რაც შეეხება ჩემს მეტ ჩართულობას, ეს პირველ რიგში პუტინისთვის და ივანიშვილისთვისაა ცუდი ამბავი, რადგან მე ვერ გამტეხეს (ნუ ჯანმრთელობას სამწუხაროდ არ ვგულისხმობ).
ერთხელ უკვე გადავდე სიცოცხლე საქართველოსთვის, როცა არ დავტოვე თბილისი 2008-ში, მეორეჯერ 2021-ში და ეს სიცოცხლე ახლა ეკუთვნის ამ ჩვენს საერთო, ქართულ-უკრაინულ ბრძოლას.
შეგახსენებთ რომ საქართველოს მესამე პრეზიდენტი მიხეილ სააკაშვილი ქართული პოლიტიკიდან წავიდა 2022 წლის 30 ივლისს
