User:Amarparchake

Gondi language गोंडी बोली

गोंडी बोली ही एक अतीप्राचीन भाषा आहे . या भाषेच्या उत्पत्ती चा इतिहास गोंडी भाषेतील रेला पाटा चा माध्यमातून ऐकायला मिळते . गोंडी रेला पाटा च्या अनुसार कोया पूनेम ( गोंडी धर्म ) चे संस्थापक पहांदी पारी कुपार लिंगो यांनी कोया बोली ला सुधारित रूप दिला तिलाच गोंडी बोली म्हणतात . कोया म्हणजे गुफा, आईचा गर्भ , मोवाच फुल (इरुक पुंगार) आणि प्राणी, पक्षी यांची बोली, याच बोलीला लिंगो यांनी एक व्यवस्थित रूप दिला व ती बोली गोंडी बोली म्हटल्या जावू लागली . मोतिरावेन कंगाली यांच्या गोंडी पुनेम दर्शन व गोंडी करियाट या पुस्तकामध्ये त्यांनी गोंडी धर्म, गोंडी बोली यावर सखोल लिखाण केला आहे. त्यांनी यामध्ये नमूद केला आहे की पहांदी पारी कूपार लिंगी यांनी डमरू च्या आवजवरून कोया बोली ला व्याकरण दृष्ट्या परिपूर्ण बनवले व तिला गोंडी बोलल्या जावू लागले, याच गोंडी भाषेतून काही काळानंतर माडीया,कोलामी, व कोरकु भाषा जन्मास आल्या. गोंडी बोली महाराष्ट्र,छतीसगड, मध्यप्रदेश,तेलंगणा,आंध्रप्रदेश व ओरिसा च्या काही भागात बोलल्या जाते.आज ही बोली नमनेश होण्याच्या कगारावर आहे या भाषेचे जतन करणे आपले कर्तव्य आहे. ही भाषा टिकवायची असेल तर तिला भारताच्या संविधानातील अनुसूची 8 मध्ये स्थान देऊन तिचे संरक्षण केले पाहिजे तिच्या विकासासाठी प्रयत्न केले पाहिजे, गडचिरोली जिल्ह्यात धानोरा माहगाव मध्ये ग्रामसभेच्या ठरवणे गोंडी भाषेतून शिक्षण देणारी पहिला शाळा काढण्यात आली परंतु या शाळेला शासनाने आजुन पर्यंत मान्यता दिली नाही . गोंडी भाषा टिकविण्यासाठी तिला शिक्षणात आणणे आवश्यक आहे. ज्या प्रकारे मराठी हिंदी इंग्रजी या भाषा महाराष्ट्रात शिकविल्या जातात त्याच प्रमाणे गोंडी सुध्दा एक वैकल्पिक विषय म्हणून शिकविल्या पाहिजे जेणेकरून त्या भाषेचं अस्तित्व टिकून राहील .