English: This video was recorded by Daniel Krauße on Vanua Lava Island in the Pacific Nation of Vanuatu, where Isso is one of the language's two remaining speakers. In the absence of government recognition or significant institutional support, Lemerig speakers have shifted to the neighboring Mwotlap and Vera'a languages in recent decades. However, the Vanuatu government's recent decision to incorporate local languages into public schools offers new opportunities for revitalization, should the community want it. Lemerig is an Austronesian language, sharing genealogy with over a thousand mother tongues, from Malagasy to Hawaiian.

Help us caption & translate this video: https://amara.org/v/m39u/.

Transcript (translation and captions coming soon):

Non sök Isso. No mwo' lē Vōnō Lav, lē vōnō Läln̄e'äk. 'Ämëk nrën̄ëk mal ma', gē' nö masgēk la 'i. No mva me Vera' wö'. No mleg köwö' Vera'. Vunu wö targe ōl nVera'. No mleg köwö'. No mleg nren̄e 'awan n'aman 'a Vures. Wo n'ōpōn nrän̄än 'a sōwēn ... Lēmērig. No mleg ni'ik ... ... n'erök e sän̄wul wäl tēm̄ē ... sän̄wul ru tēm̄ē vö'öl no mleg.

Nän̄än no n'erök wete sän̄wul leve'a tēm̄ē liviru la 'i genē'. No mleg ni'ik leve'a, ... ... ge 'ōg köwö' 'äv'öl 'a'am̄an vö'öl. Rege reren̄e liviru ... liviru, 'äv'öl reren̄e vöve'. 'Äv'öl 'a'aman vö'öl. No ge ... no nvava muguk 'a Päk. No mvan me 'en Päk, nrögök mvan me 'en Päk. Pa nvavav 'a Lēmērig. Lēmērig ntëtët pa nwo' nvava ti m'ögör töl, ti m'äk gör töl, ti mwas Liön wo ti mwas sag Qän̄läv e. Nan̄a targe ōl wo nvavav 'a Lēmērig töl nvekē nē'. Nak wo m'og Vatov e si kava kiri meke nē', Päk, si Lesa, si kēl me ti mvame ... vame mwas Sasar, ti mwas me Liön. Pa nnan̄a e rege Liön tar mlen vavav 'a Vera' wö' tar m'ör qēl, nan̄an vava 'a Lēmērig qälän̄ 'en Liön. Was Liön qogor. Ti mvan ... ti mqē'ēk kēl sōw Lesa, ti mvan kēl lēn ... mekenē'. Nvav 'a Päk. Nan̄a nvavav 'a Lēmērig, ti m'og kēnē'. Nan̄a kiri wö nvavav 'a Lēmērig. Ge kitkit la 'i, m̄em̄esegi kitkit la 'i. Nö masgēk la 'i. E rege nini'ik ... ni'ik ... mwo' ... mwo' 'öw'öw ... ... mekesa wo ti nmagräq, ti mwo'. Tige gäläl vavav Markson tige gäläl nvavav 'a Päk. Sin 'a Lēmērig. Mērig ntëtët pan mekegēn wo ti mqē'ēk Kēn̄a, ti mwas Kēn̄a, ti mqē'ēk Liön, ti mwas Qän̄läv, Lēmērig tëtët pa ngēn mekegēn. Ti m'ör gör töl nēn vava vōwal qogor si esēne mvav 'a Lēm... 'a sag Vatov e, si kal e sag pan si mwas sag Qän̄läv e. Tar töl ge gäläl vavav mekegēn. Mekesan vavav 'a Vera' nan̄a ti mwas sōw 'a Päk. Nan̄a tar vav 'in vavav 'a Vera' sōw Päk, ... pa nvavav 'a Lēmērig mqälän̄ 'en Päk.

Qiri wö' kemem tata kēl wo le kal kēl nvavav 'a Lēmērig. Ge vigis 'irgi ... 'a lēn ge kal kēl ... 'a lēn ge kal kēl ... ge ... le kal nvavav 'a Lēmērig, ... pa nan̄a tar van me, tar rëv nvavav e gēn. Mekesa tar mta sōw. Tar rëv gewi nvavav, pa nmekesa wo targe möv 'i kava lē row ne mi tar nē, si kava gat ge galal 'a wo kava tar ge möv 'i nvavav nē, ... pa 'an̄sar vö'öl gogor nan̄a wete ge galal nvavav la 'i. Meke wo ënö, ... 'ir nini'ik, 'av'ö'öl reren̄e targe rön̄rön̄, pa tar ē vavav 'a. 'An̄sar sa ge vav nan̄a, Kalatise, tin ... ti rë'en ma' 'ak 'i wöl nan̄. Wöl 'a Kerepeta, no sōw n̄a, Päk ... wo Markson kēwö' män̄an ... mä'än rögän taru ge galal 'i nvavav 'a Päk wo nvavav 'a Lēmērig. Weten kaka pän pē Lēmērig ti ē ge 'a ... ... ge söksök 'a mekesa wo 'öw'öw Lēmērig targe ... ... targe 'ög lē vem̄ö', tar e galal 'an sav nē, tar 'et-'et 'an lo, tar 'et-'et 'an nok, tar 'et-'et 'an nge gavgav kēlkēl sag lē ge nan̄, tar ē galal 'a. 'Ir m̄ögleg sa mekesa mwo' mi gat kiri wö' e. E rege sag Lēmērig, tar ē galal 'a. Tar m'ēqēl gogor (?) kēwēn, nrön̄ök ... rön̄ök mqēl me köwö sa (?) ... Tär 'ör me nqek 'a'ar, mkal me mi gat. Ta 'i nren̄ek van me köwö', kemem mōl me köwö'. Weten niv lik sav nē pan pe nok ... nok vav 'ar nLēmērig, weten Lēmērig. Nkaka pan wete ti mqē'.